Este é un documento elaborado polo Foro de Vida Independiente no que se analiza brevemente o impacto da Convención da ONU sobre os Dereitos das Persoas con Discapacidade en Galicia. Dito documento xa foi remitido ao Presidente da Xunta de Galicia, ao Valedor do Pobo e á Presidenta do Parlamento de Galicia.

Dende o 3 de maio de 2008 están vixentes en España (foi publicada no BOE do 21 e 22 de abril) a Convención Internacional dos dereitos das persoas con discapacidade de Nacións Unidas e o seu protocolo facultativo.

Esta Convención supón un cambio conceptual na visión das persoas con diversidade funcional, xa que erradica a visión médica da diversidade funcional (aínda presente en leis recentes como a LEPA, Lei 39/2006) e convértea nunha cuestión de dereitos. Os cambios conceptuais máis importantes son:

• Unha definición da diversidade funcional baseada na súa realidade social (Art. 1)
• Cambio de modelo de substitución de personalidade xurídica polo de apoio á toma de decisións (Art. 12)
• A inclusión plena na comunidade en igualdade de oportunidades e sen discriminación (Arts. 3 e 19)
• Ampliación da Asistencia persoal para todas as actividades, en todas as etapas da vida e de forma transversal para todas as diversidades. (Arts. 19, 23...)

O Estado español comprometeuse a difundir estas novas ideas (Art. 8) e implementar estes cambios, para o que se requirirán:

• Modificacións lexislativas en todos os ámbitos (Estatal, Autonómico e Local)
• Cambios nas políticas sociais relacionadas coa diversidade funcional

Por iso a Comunidade de Galicia deberá nun prazo breve prantexarse:

• A difusión da Convención con amplitude
• A modificación e adecuación das súas leis autonómicas. (p. ex. a Lei de servizos sociais)
• A modificación da súa política social sobre diversidade funcional, potenciando a permanencia das persoas na súa comunidade habitual a través da asistencia persoal e medidas similares que garantan a igualdade de oportunidades e a non discriminación na participación social, renunciando paulatinamente aos recursos habitacionais segregadores.

Como obxectivos concretos para abordar devanditas formulacións a Comunidade de Galicia podería:

• Incluír a Convención da ONU en todos os seus cursos e xornadas relacionadas coa diversidade funcional
• Promover o coñecemento e a comprensión da Convención no espazo educativo do ensino secundario.
• Arrincar un proxecto de análise do impacto legal de Convención na lexislación autonómica, no que, do mesmo xeito que ocorre a nivel estatal participen expertos en dereito e expertos en diversidade funcional e a Convención
• Arrincar un xiro orzamentario que avance no investimento en medidas como a asistencia persoal, en detrimento da construción de novas residencias

O Foro de Vida Independente fai un chamamento aos estamentos gubernamentais, políticos e administrativos para comprometerse co deseño das políticas públicas no que prime a cidadanía, e a Vida Independente das mulleres e os homes que vivimos en situación de dependencia.

Só así conseguiremos construír unha sociedade con plena igualdade de oportunidades e evitaremos a discriminación nunha situación que, por idade ou outros factores, afectaranos a todas e a todos.

Foro de Vida Independiente
Nada sobre nós sen nós

www.forovidaindependiente.org
foro.vida.independiente@gmail.com