Membros do Movemento de Vida Independente en Galicia (Vigalicia) foron recibidos polo Presidente da Xunta de Galicia. Nesta audiencia puideron informar a Núñez Feijóo sobre os proxectos que esta entidade está a desenvolver para consolidar o Sistema de Asistencia Persoal para persoas con diversidade funcional, baseados nas premisas que avogan pola autoxestión dos recursos polo propios usuarios.

O Presidente e membros do seu Gabinete, a Conselleira de Traballo e a Directora Xeral da Dependencia, mostráronse receptivos ante a idea de consolidar o Sistema Galego de Asistencia Persoal recentemente implantado, para o que continuarán pormenorizando as liñas de traballo xa emprendidas en conxunto con Vigalicia.