Oficina de Vida Independente de Galicia (OVI)

Os pais de Andrés García reclaman o dereito á educación inclusiva do seu fillo

Os pais de Andrés García, un neno vigués de 10 anos cun Trastorno do Espectro Autista, non saíron do seu asombro cando recibiron unha comunicación da Delegación Provincial da Consellería de Educación en Pontevedra, na que se lles comunicaba o cambio de centro educativo no que cursaría estudos o seu fillo.

Segundo dita comunicación, un informe que obra en poder da Delegación de Educación ao que os pais do pequeno non tiveron acceso, aconsella sacar a Andrés do Colexio María Inmaculada Irmás Carmelitas de Vigo (dotado dun aula de educación especial) para escolarizalo no Centro Menela de Educación Especial.

Nova edición do certame de curtametraxes “nada sobre nós sen nós”

Os pasados 8 e 9 de Novembro tivo lugar unha nova edición do certame de curtametraxes NADA SOBRE NÓS SEN NÓS que cada ano organiza a Asociación ÁMBAR en colaboración co Concello de Boiro.

Na tarde do venres día 8 tivo lugar na Casa da Cultura de Boiro un cinefórum no que se proxectaron dúas creacións audiovisuais e se deu paso a unha interesante charla-coloquio no que se debateron diferentes aspectos relacionados coa diversidade funcional. En concreto proxectáronse as pezas “MAE, PAE, FILHO” e “ESPIRAL”.
En “MAE, PAE, FILLO” amósase un día na vida dunha familia brasileira na que a nai e o pai posúen unha diversidade funcional o que non lles impide ter unha vida plena en todos os aspectos (na cinta móstrasenos o traballo da nai como pediatra nun hospital). Unha obra que reflicte como as persoas con diversidade funcional poden facer unha vida completamente normal se non “se lles impide con circunstancias que poden acabar por confinalos en asilos-residencia” como declaraba un dos asistentes ao coloquio.

Mesa redonda de andaina sobre muller e diversidade funcional

Na tarde do pasado 28 de outubro, a revista galega de pensamento feminista Andaina celebrou unha Mesa Redonda-Debate sobre Muller e Diversidade Funcional. A cita tivo lugar na Fundación Granell (Santiago de Compostela) ás 19:00 horas. En dita mesa redonda participou a membro de VIgalicia e do Foro de Vida Independente, Anxela López.

A primeira intervención correu a cargo de Isabel Lodeiro, membro do Foro de Vida Independiente, que foi a encargada de coordinar os expedientes sobre diversidade funcional que publicou a revista Andaina nos seus números 48 e 49.

Entrevista a Alejandro Rodríguez Picavea

Alejandro Rodríguez Picavea, membro do Foro de Vida Independente e usuario do Proxecto Piloto de Asistencia Persoal da Comunidade de Madrid:

É incrible a situación do proxecto piloto de asistencia persoal en Galicia

Alejandro Rodríguez Picavea [Clic para ampliar a imaxe]

Segundo a súa opinión, ¿porque se segue a optar por un sistema de internamento residencial sen adoptar as medidas propias do modelo de Vida Independente, cando este demostra ser un modelo máis beneficioso para o propio usuario e incluso mellor economicamente para o estado?

Nun principio hai que falar de dous ou tres factores fundamentais para que isto sexa así.

Hai que ter en conta que vimos dun modelo médico-rehabilitador que é un modelo puramente asistencial no que normalmente se impón dende arriba as cousas que conveñen ás persoas con diversidade funcional, é dicir, levamos toda a vida escoitando que o mellor para unha persoa con diversidade funcional é estar nunha residencia.

Xornada sobre Vida Independente do 18 de outubro en Santiago

Experiencia persoal no uso da Asistencia Persoal

Alejandro Rodríguez Picavea[Clic para ampliar la imagen]

O seguinte en tomar a palabra foi Alejandro Rodríguez Picavea, membro do Foro de Vida Independente e usuario do Proxecto Piloto de Asistencia Persoal da Comunidade de Madrid.

O primeiro ao que se referiu foi ao termo diversidade funcional: eu, e moitas das persoas do foro, cremos que as palabras moldean o pensamento. Se falas en positivo pensas en positivo. Vimos de termos como enfermo, subnormal, diminuído, discapacitado,... estas denominacións fan que se interiorice que se é diferente e menos que os demais. O termo diversidade funcional non é nin positivo nin negativo, tan só fai referencia ás diferentes formas de funcionar das persoas (o que non indica que sexamos menos capaces nin menos válidos que ninguén). No fondo todas as persoas funcionan de xeitos diferentes pero a nós discrimínasenos polo nosos xeito de funcionar e aí toma sentido o termo diversidade funcional.

Xornada sobre Vida Independente do 18 de outubro en Santiago

Características do paradigma da Vida Independente

Juan José Maraña[Clic para ampliar la imagen]

A primeira intervención correu a cargo de Juan José Maraña membro tanto de VIgalicia como do Foro de Vida Independente. Maraña fixo un repaso á evolución histórica da situación das persoas con diversidade funcional dentro da sociedade ata o nacemento e difusión do modelo de Vida Independente. En palabras de Maraña este repaso é necesario xa que: se sabemos onde estamos, trabucarémonos menos.

Para Maraña: o movemento de Vida Independente e a sociedade están desconectados xa que, ata este momento actual, a historia da humanidade considerou ás persoas con diversidade funcional máis como un produto do sistema no canto de ser vistos como cidadáns: somos un negocio (pasamos de fenómeno social a fenómeno de mercado) o mesmo que boa parte das nosas organizacións que pasaron de ser organizacións de defensa de dereitos civís a corporacións empresariais con financiamento público.

Xornada aberta sobre asistencia persoal e vida independente

Na mañá do pasado sábado 18 de Outubro tivo lugar na Residencia Universitaria Monte da Condesa unha Xornada Aberta sobre Asistencia Persoal e Vida Independente organizada pola Asociación Asistencia Persoal para a Vida Independente Galicia (Vigalicia). Dita Xornada foi un punto de encontro onde se tratou acerca do ideario de Vida Independente e de como se está a levar a cabo a implantación en Galicia dos servizos de asistencia persoal en comparación a outros puntos do estado español ou mesmo en relación a outros países europeos.

Juan José Maraña[Clic para ampliar la imagen]

A primeira intervención, ás 11:00 horas, correu a cargo de Juan José Maraña, membro tanto de VIgalicia como do Foro de Vida Independente. Maraña fixo un repaso á evolución histórica da situación das persoas con diversidade funcional dentro da sociedade ata o nacemento e difusión do modelo de Vida Independente. En palabras de Maraña este repaso é necesario xa que: se sabemos onde estamos, trabucarémonos menos.

Participantes no Proxecto de Asistencia Persoal manteñen dúbidas sobre o futuro

A asociación VIgalicia (Vida Independente Galicia) celebrou onte na residencia Monte dá Condesa un encontro no que algúns dos participantes no Proxecto de Asistencia Persoal de Galicia mostraron as súas dúbidas respecto ao futuro desta prestación, afirma José Antonio Novoa, portavoz do colectivo.

Durante ou último ano tivemos financiamento para 40 horas semanais, e agora parece que se reducen a 27, que resultarán insuficientes, só para atender as necesidades máis básicas, afirma Novoa.

No encontro expuxéronse outras experiencias, realizadas en Madrid e Barcelona tamén recentemente, onde houbo casos que chegaron a dispor de 16 e mesmo 20 horas de asistencia diaria, ou que aqui non se conseguiu. VIgalicia insistirá para que se cumpra ou aprobado non Parlamento autonómico por unanimidade e que non haxa pasos para atrás, sostén Novoa.

A asistencia persoal equipárame cos demais cidadáns, podo facer unha vida cotiá como calquera

Adolfo López Baña é un dous 30 galegos beneficiados polo Proxecto Piloto de Asistencia Persoal. Grazas a esta prestación, o presidente dá asociación Íntegro asegura ter conseguido unha maior independencia dá familia, que, dende ou seu punto de vista, non debe suplantar ou papel do coidador.

Adolfo López, usuario do proxecto piloto

¿Que supuxo para vostede a experiencia deste ano de asistencia persoal?

Foi súper positiva. Poder contar todos os días da semana cunha persoa que me axude nas actividades da vida cotiá e no traballo tamén é a verdadeira igualdade de oportunidades. No proceso dende que me levanto pola mañá ata que chego ao traballo necesito a axuda de alguén, e no traballo tamén. E o que máis valoro é que a miña filla é a miña filla, e a miña familia é a miña familia, e non poden estar soportando os labores de coidador que ata agora estiveron soportando. A asistencia persoal equipárame cos demais cidadáns, podo facer unha vida cotiá como calquera persoa, e iso é ao que temos que aspirar, sen co-pago, evidentemente.

Espiral

Performance escenificada por Antón Novoa, previa á II Marcha pola Visibilidade da Diversidade Funcional - Foro de Vida Independiente

Syndicate content

Traducir

Síguenos

  • Logotipo da Federación de Vida Independente, clic para acceder á web [Abrirá unha nova ventá]
  • Logotipo do Foro de Vida Independiente y Divertad, clic para acceder á web [Abrirá unha nova ventá]
  • Logotipo da Asociación SOLCOM, clic para acceder á web [Abrirá unha nova ventá]
  • Logotipo de Derechos Humanos Ya, clic para acceder á web [Abrirá unha nova ventá]